Нацыянальны аэрапорт Мінск

Бязвізавы ўезд праз пункт пропуску Нацыянальны аэрапорт Мінск

Грамадзяне 76 краін могуць прыехаць у Рэспубліку Беларусь з турыстычнымі мэтамі без візы праз пункт пропуску Нацыянальны аэрапорт Мінск на тэрмін не больш за 30 сутак (уключаючы дзень прылёту і адлёту).

Глядзець поўны пералік краін

Пералік дзяржаў, у дачыненні да грамадзян якіх усталёўваецца бязвізавы парадак уезду і выезду ў пункце пропуску праз Дзяржаўную мяжу Рэспублікі Беларусь Нацыянальны аэрапорт Мінск

- Аўстралійскі Саюз
- Аўстрыйская Рэспубліка
- Княства Андора
- Антыгуа і Барбуда
- Барбадас
- Каралеўства Бахрэйн
- Каралеўства Бельгія
- Рэспубліка Балгарыя
- Боснія і Герцагавіна
- Рэспубліка Вануату
- Дзяржава-горад Ватыкан
- Злучанае Каралеўства Вялікабрытаніі і Паўночнай Ірландыі
- Венгрыя
- Сацыялістычная Рэспубліка В'етнам*
- Рэспубліка Гаіці*
- Рэспубліка Гамбія*
- Федэрацыйная Рэспубліка Германія
- Грэцкая Рэспубліка
- Каралеўства Данія
- Супольнасць Дамінікі
- Арабская Рэспубліка Егіпет*
- Рэспубліка Індыя*
- Рэспубліка Інданезія
- Іярданскае Хашыміцкае Каралеўства*
- Ісламская Рэспубліка Іран*
- Ірландыя
- Рэспубліка Ісландыя
- Каралеўства Іспанія
- Італьянская Рэспубліка
- Канада
- Рэспубліка Кіпр
- Рэспубліка Карэя
- Дзяржава Кувейт
- Латвійская Рэспубліка**
- Ліванская Рэспубліка*
- Літоўская Рэспубліка
- Княства Ліхтэнштэйн
- Вялікае Герцагства Люксембург
- Рэспубліка Паўночная Македонія
- Малайзія
- Рэспубліка Мальта
- Мексіканскія Злучаныя Штаты
- Федэрацыйныя Штаты Мікранезіі
- Княства Манака
- Рэспубліка Намібія*
- Каралеўства Нідэрландаў
- Рэспубліка Нікарагуа
- Новая Зеландыя
- Каралеўства Нарвегія
- Султанат Аман
- Ісламская Рэспубліка Пакістан*
- Рэспубліка Панама
- Рэспубліка Перу
- Рэспубліка Польшча
- Партугальская Рэспубліка
- Румынія
- Незалежная Дзяржава Самоа*
- Рэспубліка Сан-Марына
- Каралеўства Саудаўская Аравія
- Рэспубліка Сейшэльскія Астравы
- Сэнт-Вінсэнт і Грэнадыны
- Рэспубліка Сінгапур
- Славацкая Рэспубліка
- Рэспубліка Славенія
- Усходняя Рэспубліка Уругвай
- Фінляндская Рэспубліка
- Французская Рэспубліка
- Рэспубліка Харватыя
- Чэшская Рэспубліка
- Рэспубліка Чылі
- Швейцарская Канфедэрацыя
- Каралеўства Швецыя
- Рэспубліка Эль-Сальвадор
- Эстонская Рэспубліка***
- Паўднёва-Афрыканская Рэспубліка*
- Японія

* Пры наяўнасці ў сапраўдным дакуменце для выезду за мяжу сапраўднай шматразовай візы дзяржаў – членаў Еўрапейскага Саюза альбо дзяржаў – удзельнікаў Шэнгенскай зоны з адзнакай пра заезд на тэрыторыю дзяржавы – члена Еўрапейскага Саюза альбо дзяржавы – удзельніка Шэнгенскай зоны, а таксама авіяквіткоў з пацверджаннем у іх даты вылету з Нацыянальнага аэрапорта Мінск, аэрапортаў Брэст, Віцебск, Гомель, Гродна, Магілёў.

** У тым ліку асобы, што маюць статус неграмадзяніна Латвійскай Рэспублікі.

*** У тым ліку асобы без грамадзянства, што ўвесь час жывуць у Эстонскай Рэспубліцы.

Неабходныя дакументы:

Сапраўдны агульнаграмадскі пашпарт, тэрмін дзеяння якога павінен перавышаць дату мяркуемага выезду з Рэспублікі Беларусь не меней чым на 90 сутак.
Грашовыя сродкі: на кожны дзень прабывання суму ў валюце альбо беларускіх рублях, эквівалентную не менш 2 базавым велічыням, або 50 базавым велічыням, калі прабыванне складзе 30 дзён.
Медыцынскі страхавы поліс на суму не меней за 10 000 еўра, сапраўдны ў Беларусі на працягу усяго тэрміну знаходжання.

Умовы:

Тэрмін знаходжання ў Рэспубліцы Беларусь не павінен перавышаць 30 дзён.
Дзень прыбыцця і дзень выбыцця ўваходзяць у дні знаходжання ў Рэспубліцы Беларусь.
Заехаць і выехаць з Рэспублікі Беларусь магчыма праз пункты пропуску Нацыянальны аэрапорт Мінск, Аэрапорт Брэст, Аэрапорт Віцебск, Аэрапорт Гомель, Аэрапорт Гродна, Аэрапорт Магілёў.
Вызначаны парадак бязвізавага перамяшчэння праз пункт пропуску Нацыянальны аэрапорт Мінск не распаўсюджваецца на асоб, якія прыбываюць у Рэспубліку Беларусь авіярэйсамі з Расійскай Федэрацыі, а таксама якія маюць намер здзейсніць вылет у аэрапорты Расійскай Федэрацыі.
Бязвізавы рэжым не распаўсюджвае свайго дзеяння на ўласнікаў дыпламатычных, службовых, спецыяльных і іншых прыраўнаваных да іх пашпартоў.
Для грамадзянаў В'етнама, Гаіці, Гамбіі, Егіпта, Індыі, Іярданіі, Ірана, Лівана, Намібіі, Пакістана, Самоа, ПАР абавязковай дадатковай вымогай з'яўляецца наяўнасць у дакуменце для выезду за мяжу сапраўднай шматразовай візы дзяржаў ЕЗ альбо Шэнгенскай зоны з адзнакай пра заезд на іх тэрыторыю, а таксама авіяквіткоў з пацверджаннем у іх вылету з Нацыянальнага аэрапорта Мінск або аэрапортаў Брэст, Віцебск, Гомель, Гродна, Магілёў на працягу 30 дзён з даты заезду.

Важна: Замежнікі, якія прыбылі ў Рэспубліку Беларусь, абавязаны на працягу дзесяці сутак зарэгістравацца ў органе рэгістрацыі па месцы фактычнага часовага знаходжання або на сайце адзінага партала электронных паслуг portal.gov.by. Пры жыцці ў гасцініцах, хостэлах, санаторыях і іншых калектыўных сродках размяшчэння рэгістрацыя замежных грамадзянаў здзяйсняецца адміністрацыямі такіх устаноў па ўмаўчанні пры засяленні.