Віза для грамадзян Манака у Беларусь

Грамадзяне Манака маюць права прыбываць на тэрыторыю Рэспублікі Беларусь c турыстычнымі мэтамі без візы на срок да 30 дзён праз пункт пропуску Нацыянальны аэрапорт Мінск.

Неабходныя дакументы для ўезду ў Рэспубліку Беларусь:

1. Сапраўдны агульнаграмадскі пашпарт, тэрмін дзеяння якога павінен перавышаць дату мяркуемага выезду з Рэспублікі Беларусь не меней чым на 90 сутак.
2. Дагавор медыцынскага страхавання, які распаўсюджвае сваё дзеянне на тэрыторыю Рэспублікі Беларусь і які прадугледжвае страхавую суму не ніжэй 10 000 еўра.
3. Грашовыя сродкі: на кожны дзень знаходжання суму ў валюце альбо беларускіх рублях, эквівалентную не менш чым 2 базавым велічыням, або 50 базавым велічыням, калі знаходжанне складзе 30 дзён.

Умовы:

• Тэрмін знаходжання ў Рэспубліцы Беларусь не павінен перавышаць 30 дзён.
• Дзень прыбыцця і дзень выбыцця ўваходзяць у дні знаходжання ў Рэспубліцы Беларусь.
• Заехаць і выехаць з Рэспублікі Беларусь магчыма праз пункты пропуску Нацыянальны аэрапорт Мінск, Аэрапорт Брэст, Аэрапорт Віцебск, Аэрапорт Гомель, Аэрапорт Гродна, Аэрапорт Магілёў.
• Вызначаны парадак бязвізавага перамяшчэння праз пункт пропуску Нацыянальны аэрапорт Мінск не распаўсюджваецца на асоб, якія прыбываюць у Рэспубліку Беларусь авіярэйсамі з Расійскай Федэрацыі, а таксама якія маюць намер здзейсніць вылет у аэрапорты Расійскай Федэрацыі.
• Бязвізавы рэжым не распаўсюджвае свайго дзеяння на ўласнікаў дыпламатычных, службовых, спецыяльных і іншых прыраўнаваных да іх пашпартоў.
• Для грамадзянаў В'етнама, Гаіці, Гамбіі, Егіпта, Індыі, Іярданіі, Ірана, Лівана, Намібіі, Пакістана, Самоа, ПАР абавязковым дадатковым патрабаваннем з'яўляецца наяўнасць у дакуменце для выезду за мяжу сапраўднай шматразовай візы дзяржаў ЕЗ альбо Шэнгенскай зоны з адзнакай пра заезд на іх тэрыторыю, а таксама авіяквіткоў з пацверджаннем у іх вылету з Нацыянальнага аэрапорта Мінск або аэрапортаў Брэст, Віцебск, Гомель, Гродна, Магілёў на працягу 30 дзён з даты заезду.

Важна: Замежнікі, якія прыбылі ў Рэспубліку Беларусь, абавязаны на працягу дзесяці сутак зарэгістравацца ў органе рэгістрацыі па месцы фактычнага часовага знаходжання або на сайце адзінага партала электронных паслуг portal.gov.by. Пры пражыванні ў гасцініцах, хостэлах, санаторыях і іншых калектыўных сродках размяшчэння рэгістрацыя замежных грамадзянаў здзяйсняецца адміністрацыямі такіх устаноў па змаўчанні пры засяленні.

Грамадзяне Манака маюць права прыбываць на тэрыторыю Рэспублікі Беларусь з турыстычнымі мэтамі без візы на тэрмін да 15 дзён для наведвання бязвізавай тэрыторыі «Брэст - Гродна».

Для часовага знаходжання на бязвізавай тэрыторыі «Брэст - Гродна» у бязвізавым рэжыме ўезд у Рэспубліку Беларусь і выезд з Рэспублікі Беларусь ажыццяўляецца:

• У аўтадарожных пунктах пропуску Брэст (Цярэспаль), Дамачава (Славацічы), Беняконі (Шальчынінкай), Бераставіца (Баброўнікі), Пясчатка (Полаўцы), Прывалка (Райгардас);
• У чыгуначных пунктах пропуску Брэст (Цярэспаль) – чыгуначная станцыя Брэст-Усходні, Гродна (Кузніца Беластоцкая) - чыгуначная станцыя Гродна;
• У пункце пропуску аэрапорт Брэст і аэрапорт Гродна;
• У пунктах спрошчанага пропуску Перароў (Белавежа), Лясная (Рудаўка), Прывалка (Швяндубрэ).

Неабходныя дакументы для ўезду ў Рэспубліку Беларусь грамадзян Манака:

1. Сапраўдны пашпарт або іншы дакумент, які яго замяняе, прызначаны для выезду за мяжу.
2. Дакументы, якія даюць грамадзянам права на індывідуальнае або групавое наведванне бязвізавай тэрыторыі «Брэст - Гродна» (спецыяльны QR-код, які выдаецца пасля набыцця пуцёўкі і афармляецца за дадатковую плату).
3. Дагавор медыцынскага страхавання, які распаўсюджвае сваё дзеянне на тэрыторыю Рэспублікі Беларусь і які прадугледжвае страхавую суму не ніжэй 10 000 еўра.
4. Грашовыя сродкі ў суме, эквівалентнай не менш чым 2 базавым велічыням, усталяваным у Рэспубліцы Беларусь, на кожны дзень знаходжання.

Умовы:

• Тэрмін знаходжання на бязвізавай тэрыторыі «Брэст - Гродна» павінен адпавядаць тэрміну тура, рэалізаванага турыстычным аператарам.
• Тэрмін тура, у тым ліку пры яго падаўжэнні, не павінен перавышаць 15 сутак.
• Грамадзяне, якія ўязджаюць у Рэспубліку Беларусь на аснове дакумента на права наведвання бязвізавай тэрыторыі «Брэст - Гродна», абавязаны знаходзіцца толькі на бязвізавай тэрыторыі «Брэст - Гродна».
  Пры групавым наведванні бязвізавай тэрыторыі «Брэст-Гродна», група можа таксама наведваць раёны Гродзенскай і Брэсцкай абласцей, якія не ўваходзяць у склад бязвізавай тэрыторыі. Абавязковай умовай з'яўляецца праходжанне турыстычнага маршруту праз бязвізавую тэрыторыю «Брэст-Гродна».

Звяртаем Вашу ўвагу, што ўезд здзяйсняецца толькі пры наяўнасці дакумента, што дае права на наведванне бязвізавай зоны (QR-код). Пра патрэбу афармлення дадзенага дакумента просім паведамляць на пачатковых этапах браніравання.